Sri Lanka 24 Hours Online Breaking News

அரசியலில் அப்பாவும், ரஜினி அங்கிளும் ஒன்று சேர்வார்களா?

0

அரசியலில் கமல் ஹாஸனும், ரஜினியும் இணைந்து செயல்படுவார்களா என்பது குறித்து ஸ்ருதி ஹாஸன் கருத்து தெரிவித்துள்ளார்.

அரசியல் கட்சி ஆரம்பிக்கின்றேன் என்று ரஜினிகாந்த் அறிவிப்பு வெளியிட்டு இரண்டு ஆண்டுகளுக்கு மேல் ஆகிவிட்டது.

அவர் விரைவில் கட்சி ஆரம்பிப்பார் என்று எதிர்பார்க்கப்படுகிறது. ஆனால் கமல் ஹாஸனோ பில்ட்அப் எதுவும் கொடுக்காமல் மக்கள் நீதி மய்யம் கட்சியை ஆரம்பித்து நடத்தி வருகிறார். கமலும், ரஜினியும் நல்ல நண்பர்கள் என்பது அனைவருக்கும் தெரியும்.

பிற ஹீரோக்களின் படங்களில் நடித்து வந்த ரஜினியை சோலோவாக நடிக்க வலியுறுத்தியதே கமல் தான். அந்த அளவுக்கு ரஜினி மீது அக்கறை உள்ளவர் கமல்.

ரஜினிக்கும் நண்பர் கமல் ஹாஸன் மீது அதிக ப்ரியம் உண்டு. சினிமாவில் ஒற்றுமையாக இருக்கும் அவர்கள் அரசியலில் சேர்ந்து செயல்பட வேண்டும் என்பதே பலரின் விருப்பம். தேவைப்பட்டால் ஒன்றாக சேர்வோம் என்று கமலும், ரஜினியுமே தெரிவித்தனர்.

ரஜினி அரசியலுக்கு வந்தால் அவரும், கமலும் சேர்ந்து செயல்படுவார்களா என்று மதுரையில் நகைக்கடையை திறந்து வைக்க வந்த ஸ்ருதி ஹாஸனிடம் கேட்கப்பட்டது.

அதற்கு அவரோ, அது அவர்களின் இஷ்டம். அது குறித்து நான் எதுவும் சொல்ல முடியாது. நான் கருத்து தெரிவிப்பது சரியாகவும் இருக்காது என்றார்.

இது ஒருபுறம் இருக்க ரஜினி தான் மாஸு, கமல் தூசு என்று ரஜினி ரசிகர்கள் தெரிவித்துள்ளனர். கமலும், ரஜினியும் நல்ல நண்பர்கள் என்பது தெரிந்தும் ரசிகர்கள் இப்படி பேசுகிறார்கள்.

இதற்கிடையே ரஜினி அரசியலுக்கு வர மாட்டார் என்று ஒரு கூட்டம் சொல்லிக் கொண்டிருக்கிறது. பேட்டி கொடுத்து சர்ச்சையில் சிக்கும் அவரால் அரசியலில் நிச்சயம் தாக்குப்பிடிக்க முடியாது என்று விமர்சனம் எழுந்துள்ளது.

சுட சுட சுவரஸ்யமான தகவல்களுடன் கொழும்பு தமிழ் மொபைல்ஆப்! இங்க கிளிக் செய்யுங்கள்.

Get real time updates directly on you device, subscribe now.

You might also like