Sri Lanka 24 Hours Online Breaking News

சிவப்பு கம்பள வரவேற்பு கடவுளுக்கு மட்டுமே உரித்தானதா?

0

சிவப்பு கம்பள வரவேற்பு உலகம் முழுவதும் சிறப்பு விருந்தினருக்கு அளிக்கப்படும் கவுரவம்…. பிரதமர்… அதிபர்… குடியரசு தலைவர் என முக்கிய நபர்கள் எந்த நாட்டிற்கு சென்றாலும், அவர்களுக்கு சிவப்பு கம்பள வரவேற்பு ஒரு கவுரவமாகவே பார்க்கப்படுகிறது.  உண்மையில், சிவப்பு கம்பள வரவேற்பு என்பது ஒரு காலத்தில் கவுரவத்தின் அடையாளம் கிடையாது. அது, பகையைத் தீர்த்துக்கொள்வதற்கான தருணமாகவே பார்க்கப்பட்டது. சிவப்பு கம்பள வரவேற்பு, பற்றிய வரலாற்றை அறிந்து கொள்ள வேண்டுமென்றால், கி.மு. 458 ஆண்டின் கிரேக்கத்தின் வரலாற்றிற்குள் நுழைய வேண்டும்….

இந்தியாவை, மகதப் பேரரசர் அஜாதசத்ரு ஆண்டு கொண்டிருந்த காலம் அது. கிரேக்கத்தில், Aeschylus என்பவரால் இயற்றப்பட்ட, தி அகமம்னான் (Agamemnon) என்ற நாடகத்தில், சிவப்பு கம்பள விரிப்பு வரலாறாக இடம் பெற்றுள்ளது. போர் நிமித்தமாக தனது மனைவி Clytemnestra பிரிந்து சென்ற மன்னன் அகமம்னான், போரின் வெற்றியோடு, இரண்டாவதாக ஒரு பெண்ணையும் அரண்மனைக்கு கொண்டு வருகிறார். வெற்றியைக் கொண்டாட காத்திருந்த Clytemnestra-விற்கு அது பேரதிர்ச்சியாக இருந்தது. வேறு பெண்ணோடு வரும் தனது கணவனை பழி தீர்த்துக்கொள்வதற்காக, அவர்களுக்கு சிவப்பு கம்பளம் விரித்து வரவேற்கிறார் Clytemnestra…

சிவப்பு கம்பள வரவேற்பு என்பது கடவுளுக்கு மட்டுமே உரித்தானது, அதில், மனிதர்கள் நடந்தால், அவர்கள் அழிந்து போவார்கள் என்பது கிரேக்க நம்பிக்கை….இதனை அறிந்த அகமம்னான் மன்னன், அந்த சிவப்பு கம்பளத்தில் நடக்காமல் சென்றார். இந்த நாடகம், கிரேக்கத்தில் பல நூற்றாண்டுகள் அரங்கேற்றப்பட்டன.

ஐரோப்பியர்களின் காலனி ஆதிக்கத்தின் கீழ் உலகமே துவண்டு கிடந்த காலத்தில், சிவப்பு கம்பள விரிப்பு என்பது அவர்களுக்கு புதிய கலாச்சாரமாகவே மாறிப்போனது. பின்னர், இது, 1821 ஆம் ஆண்டு அமெரிக்காவிற்கு குடியேறியது. தெற்கு கரோலினா நகருக்கு வந்த அதிபர் ஜேம்ஸ் மான்ரோவை, அம்மாகாண மக்கள் சிவப்பு கம்பளம் விரித்து வரவேற்றனர். சிவப்பு கம்பளத்தின் வரலாறு தெரியாத ஜேம்ஸ் மான்ரோ, அதில் நடக்க, அன்று முதல், சிவப்பு கம்பளம் கவுரவத்தின் அடையாளமாகவே மாறிப்போனது.

1920களில், ஹாலிவுட் சினிமா உலகை ஆட்சி செலுத்திக்கொண்டிருந்த சூழலில், ஹாலிவுட் பிரபலங்களை வரவேற்க சிவப்பு கம்பளம் விரிக்கப்பட்டது. பிரபலங்களின் முகத்தில் விழுந்த வெளிச்சம், சிவப்பு கம்பளத்திற்கு புதிய வடிவத்தையும் கவுரவத்தையும் கொடுத்தது.  இந்தியாவைப் பொறுத்தவரை, சிவப்பு கம்பள வரவேற்பு என்பது, 1911-ல் தான் அறிமுகமாகியது.

டெல்லி தர்பாரின் புதிய மன்னராக பொறுப்பேற்ற ஐந்தாம் George-ஐ வைசிராய் Hardinge சிவப்பு கம்பளம் விரித்து வரவேற்றதே முதல் வரலாற்று நிகழ்வு. மக்களவையை விட, மாநிலங்களவை உயர்ந்தது என்பதை விளக்கும் வகையில், மக்களவையில் பச்சை கம்பள வரவேற்பும், மாநிலங்களவையில் சிவப்பு கம்பள வரவேற்பும் அளிக்கப்படுவது இன்றும் வழக்கமாகவே உள்ளது.

Get real time updates directly on you device, subscribe now.

You might also like