Sri Lanka 24 Hours Online Breaking News

செயற்கை நுண்ணறிவுத் தொழில்நுட்ப கட்டுப்பாடுகளில் கவனம் அவசியம்’

0

செயற்கை நுண்ணறிவுத் தொழில்நுட்பம் அதிவேக வளர்ச்சி கண்டுவருவதால், அது தொடர்பான அம்சங்களுக்குக் கட்டுப்பாடு விதிக்கும்போது, அரசாங்கம் கவனமாக இருப்பது அவசியம் எனத் சிங்கப்பூர் தகவல் தொடர்பு அமைச்சர் எஸ்.ஈஸ்வரன் கூறியிருக்கிறார்.

சமூக ஊடகத்தைப் போலவே, செயற்கை நுண்ணறிவுத் தொழில்நுட்பத்திலும் விதிமுறைகளும் கட்டுப்பாடுகளும் விதிக்கப்படவேண்டும் என்பது பொதுமக்களின் அக்கறைகளில் ஒன்றாக இருக்கும் என்றார் அவர்.

Bloomberg நிறுவனம் ஏற்பாடு செய்த கருத்தரங்கு ஒன்றில் அமைச்சர் ஈஸ்வரன் அது பற்றிப் பேசினார்.

குறிப்பிட்ட சில துறைகளில், கூட்டு முயற்சிகளின் மூலம், செயற்கை நுண்ணறிவுத் தொழில்நுட்பத்தின் மேம்பாட்டில் சிங்கப்பூர் முன்னணி வகிப்பதை அவர் சுட்டினார். சுகாதாரப் பராமரிப்புத் துறை அதற்கு ஓர் எடுத்துக்காட்டு.

தீரா நோய்களை நிர்வகிக்கும் முறையில், SingHealth அமைப்புடன், சிங்கப்பூர் தேசியப் பல்கலைக் கழகம் கூட்டாகப் பணியாற்றி வருகிறது.

செயற்கை நுண்ணறிவுத் தொழில்நுட்பத்தைக் கொண்டு, மருத்துவர்கள், நோயாளிகளுக்கு எவ்வாறு தனிப்பட்ட கவனிப்பை வழங்கலாம் என்பது குறித்தும், அதில் தனியார் துறை வல்லுநர்களுடன் இணைவது பற்றி ஆராயப்படலாம் எனக் கூறப்படுகிறது.

Get real time updates directly on you device, subscribe now.

You might also like