புடவைகட்டி போட்டோ போடும் பெண்கள்

பெண்களுக்கான உடை என்றால் நம் எண்ணத்திற்கு உடனடியாக வருவது சேலை. பெண்களுக்கு ஏராளமான மாடல்களை உடைகள் இருந்தாலும், அவர்கள் சேலை அணிந்து வந்தாலே செம அழகு தான்.

சேலை அணிந்த பெண்களை இன்று பார்ப்பதே அரிது தான். சேலை என்பது இவ்வளவு அழகை கொண்டிருந்தாலும் அதை கட்டும் பெண்களுக்குதான் அதில் உள்ள சிரமங்கள் தெரியும். அதனால் பெண்கள் சேலையை விட அவர்களுக்கு ஏற்ற ஆடையையே பெரும்பாலும் உடுத்துகிறார்கள்.

பெண்கள் சேலை அணிந்து சென்றால் அது கோவில் திருவிழா, திருமண வீடு, பொங்கல் விழா போன்ற ஏதேனும் விஷேசம் என்று தான் நம் மனதிற்கு தோன்றும்.

ஆனால் தற்போது பெண்கள் மத்தியில் சேலைக்கட்டி புகைப்படம் எடுத்து டுவிட்டரில் போடுவது டிரெண்டாகிவிட்டது. இவ்வாறு சேலையுடன் போட்டோ போடும் பெண்கள் #SareeTwitter என்ற ஹேஷ்டேக்கின் கீழ் புகைப்படங்களை வெளியிட்டு வருகின்றனர்.