Sri Lanka 24 Hours Online Breaking News

ரவுடி பேபியாக மாறிய சாக்லேட் பாய்!

0

கமர்ஷியல் ஆக்‌ஷன் திரைப்படங்களை எடுப்பதில் வல்லவரான இயக்குநர் பூரி ஜெகன்நாத், விஜய் தேவரகொண்டா ஆகிய இருவரும் இணையும் புதிய படத்தின் படப்பிடிப்பு பூஜையுடன் மும்பையில் தொடங்கியுள்ளது.

விஜய் தேவரகொண்டா நடிக்க நடிகை ஷார்மி கவுர் கிளாப் அடித்து படப்பிடிப்பைத் தொடங்கி வைத்தார்.

காதல் படங்களில் நடித்து வரும் விஜய் தேவரகொண்டா, திடீரென ஆக்‌ஷன் திரைப்படத்தின் பக்கம் தலை சாய்த்திருப்பது அவரது ரசிகர்களுக்கே ஆச்சரியத்தைக் கொடுத்திருக்கிறது.

விஜய் தேவரகொண்டாவின் புகழினால் ஈர்க்கப்பட்ட பாலிவுட் பிரபலங்களான கரண் ஜோஹர் மற்றும் அபூர்வா மேத்தா இந்தப் படத்தின் தயாரிப்பாளர்களாக இணைந்துள்ளார்கள்.

குறிப்பிட்ட மொழி திரைப்படமாக இல்லாமல் இது இந்திய ரசிகர்களுக்கான படமாக இந்தி, தெலுங்கு, தமிழ் உள்ளிட்ட அனைத்து தென்னிந்திய மொழிகளிலும் உருவாகிறது.

பூரி ஜெகன்நாத் ஹீரோக்களின் கேரக்டர்களை வடிவமைப்பதில் வல்லவர். இவருடைய பல வெற்றி திரைப்படங்கள் தமிழில், எம்.குமரன் s/o மகாலட்சுமி, தம், போக்கிரி, பத்ரி என்று ரீமேக் ஆகி வெற்றி பெற்றுள்ளன.
அப்படி பூரி ஜெகன்நாத் உருவாக்கிய கதாபாத்திரத்திற்காக முழு டயட் மேற்கொண்டு உடலை ஆக்‌ஷன் காட்சிகளுக்கு ஏற்ற வடிவத்துக்கு மாற்றி வருகிறார் விஜய் தேவரகொண்டா.

மேலும் தாய்லாந்து சென்று அங்குள்ள தற்காப்புக் கலைகளில் பயிற்சி பெற்று வந்துள்ளார்.

“அவரது சினிமா வாழ்வில் மிக சவாலான பாத்திரமாக, இக்கதாபாத்திரம் அமைந்திருப்பதை ஏற்று வெகு அர்ப்பணிப்புடன் தன் முழு உழைப்பையும் கொடுத்து உழைத்து வருகிறார்” என்று படத் துவக்க விழாவில் பூரி ஜெகன்நாத், விஜய் தேவரகொண்டாவைப் புகழ்ந்திருக்கிறார்.

Puri Connects, Touring Talkies சார்பில் இயக்குநர் பூரி ஜெகன்நாத், நடிகை ஷார்மி கவுர், கரண் ஜோஹர், ஆபூர்வா மேத்தாவுடன் இணைந்து இந்தப் படத்தைத் தயாரிக்கிறார்.

ரம்யா கிருஷ்ணன், ரோனித் ராய், விஷு ரெட்டி, ஆழி, கெட்டப் ஶ்ரீனு ஆகியோர் முக்கிய பாத்திரங்களில் நடிக்கிறார்கள். Dharma Productions இந்தப் படத்தை வழங்குகிறார்கள்.

சுட சுட சுவரஸ்யமான தகவல்களுடன் கொழும்பு தமிழ் மொபைல்ஆப்! இங்க கிளிக் செய்யுங்கள்.

Get real time updates directly on you device, subscribe now.

You might also like