Sri Lanka 24 Hours Online Breaking News

ராஜிவ் காந்தி கொலை வழக்கு: மறுபடியும் முதல்ல இருந்தா..?

0

ராஜிவ் காந்தி கொலை வழக்கில் தண்டனை பெற்று வரும் பேரறிவாளனின் தண்டனை நிறுத்தம் மனுவை விசாரித்த உச்ச நீதிமன்றம் புதிய உத்தரவை பிறப்பித்துள்ளது.

இந்தியாவின் முன்னாள் பிரதமர் ராஜிவ் காந்தி கொலை வழக்கில் தண்டனை பெற்று சிறையில் உள்ள பேரறிவாளன், தன் தண்டனையை நிறுத்தி வைக்கக்கோரிய மனு நீதிபதி நாகேஸ்வர ராவ் தலைமையிலான அமர்வில் விசாரணை நடைபெற்றது.

அப்போது இந்த வழக்கில் ஏற்கனவே கடந்த விசாரணையின்போது பெல்ட் வெடிகுண்டு தொடர்பாக தாக்கல் செய்யப்பட்ட விசாரணை அறிக்கை திருப்தி அளிக்ககாததால், புதிய நிலவர அறிக்கையை தாக்கல் செய்ய சி.பி.ஐ.க்கு உச்ச நீதிமன்றம் உத்தரவிட்டிருந்தது.

இந்த விசாரணையின்போது சிபிஐ – நீதிபதிகள் இடையே நடக்கப்பட்ட விவாதங்கள்.

நீதிபதிகள்: நீங்கள் புதிய நிலவர அறிக்கை தாக்கல் செய்து விட்டீர்களா ? ஏனெனில் தற்போது எங்களிடம் உள்ள அறிக்கையில் புதிதாக ஒன்றும் இல்லை.

சி.பி.ஐ: ஏற்கனவே உள்ள அறிக்கை தான், ஆனால் அதில் சில விளக்கங்களை கொடுக்க வேண்டும். குறிப்பாக வெடிகுண்டு விசாரணையின் ஒரு பகுதியாக இலங்கை உள்ளிட்ட 3 நாடுகளுக்கு கடிதம் அனுப்பப்பட்டுள்ளது.

நீதிபதிகள்: அனைத்தும் வெளிநாடுகளில் தான் இருக்கிறது என்றால் உங்கள் கையில் என்ன இருக்கிறது ? எப்போது புதிய அறிக்கையை தாக்கல் செய்ய போகிறீர்கள்? நிலவர அறிக்கை தவிர வேறு ஏதாவது கோரிக்கை உள்ளதா? ஏற்கனவே தாக்கல் செய்தது சரியில்லை என்பதால் தான் புதிய நிலவர அறிக்கை கேட்கிறோம். எனவே உங்களுக்கு என்ன நிவாரணம் தான் வேண்டும் என நீங்களே கூறுங்கள், என பேரறிவாளன் தரப்பிடம் நீதிபதிகள் கேட்டனர்.

பேரறிவாளன் தரப்பு: வெடிகுண்டு தயாரிக்க தான் பேட்டரி வாங்கி கொடுத்தது தான் குற்றச்சாட்டு. ஆனால் அதுவே முடிவாகாத நிலையில் ஏன் நான் தண்டனை அனுபவிக்க வேண்டும்?

நீதிபதிகள்: அப்படியெனில் மீண்டும் வழக்கை ரீ ஓபன் செய்ய வேண்டும் என கூறுகிறீர்களா? அப்படியெனில் அது முடியாது, ஏனெனில் மெரிட் ஆப் தி கேஸ் ( வழக்கு உள்ளாராய்வு ) நாங்கள் போக மாட்டோம்.

பேரறிவாளன் தரப்பு: பேரறிவாளன் உள்ளிட்டோரை விடுவிக்க வேண்டும் என்று தமிழக சட்டப்பேரவையில் தமிழக அரசு முடிவை எடுத்து ஆளுநருக்கும் அனுப்பி விட்டது, எனவே இந்த விவகாரத்தில் தற்போது தமிழக ஆளுநர் முடிவு எடுக்க வேண்டும். மேலும் ஏற்கனவே உச்சநீதிமன்றம் இவர்களது விடுதலை தொடர்பாக உரிய அத்தாரிட்டி முடிவெடுக்க உத்தரவிட்டது என்பதை கருத்தில் கொள்ள வேண்டும்.

நீதிபதிகள்: தமிழக அரசு இந்த விவகாரத்தில் சட்டப்பூர்வமாக என்ன முடிவெடுத்துள்ளது என்பது தொடர்பாக பதிலளிக்க உத்தரவிட்டு வழக்கை 2 வாரத்துக்கு ஒத்திவைத்தனர்.

சுட சுட சுவரஸ்யமான தகவல்களுடன் கொழும்பு தமிழ் மொபைல்ஆப்! இங்க கிளிக் செய்யுங்கள்.

Get real time updates directly on you device, subscribe now.

You might also like