48 மணித்தியாலங்களில் 4 படுகொலைகள்

72
colombotamil.lk

கடந்த 48 மணித்தியாலங்களில் நாட்டின் பல்வேறு பகுதிகளில் இரட்டை கொலை உள்ளிட்ட உள்ளிட்ட 4 படுகொலைகள் பதிவாகியுள்ளன.

அத்துடன், நாட்டின் பல பகுதிகளில் இடம்பெற்ற விபத்துகளிலும் பலர் உயிரிழந்துள்ளதாக பொலிஸ் ஊடகப்பேச்சாளர் அலுவலகம் தெரிவித்துள்ளது.

மாத்தளை கலேவலை தேவஹூவ பிரதேசத்தில் கணவன் மற்றும் மனைவி ஆகியோர் படுகொலை செய்யப்பட்டுள்ளனர்.

கமத்தொழில் உற்பத்தி உதவி ஆராய்ச்சியாளரான 53 வயதான காமினி சுரவீர மற்றும் அவரது மனைவியான கமத்தொழில் தயாரிப்புக்களுக்கான மத்திய மாகாண சபையின் விருதை வென்ற 51 வயதான அனுலா சுரவீர ஆகியோரே இவ்வாறு கொலை செய்யப்பட்டுள்ளனர்.

நேற்று இரவு 8 மணியளவில் வீட்டுக்குள் நுழைந்த இனந்தெரியாத நபர்களால் இந்த படுகொலை மேற்கொள்ளப்பட்டிருக்காலாத் என சந்தேகம் வெளியிட்டுள்ள கலேவல பொலிஸார் மேலதிக விசாரணைகளை மேற்கொண்டு வருகின்றனர்.

இதேவேளை, அநுராதபுரம் சேனபுரம் பகுதியில் உள்ள வீடொன்றுக்குள் முன்னெடுக்கப்பட்ட சூதாட்ட நிலையத்தில் ஏற்பட்ட மோதலின் போது, நபரொருவர் கொலை செய்யப்பட்டுள்ளார். இந்த சம்பவத்தில் காயமடைந்த நிலையில் நால்வர் வைத்தியசாலையில் அனுமதிக்கப்பட்டுள்ளனர்.

பொலன்னறுவை ஹிங்குராங்கொட பகுதியில் உள்ள வீடொன்றுக்குள் இடம்பெற்ற மோதலில் 25 வயதுடைய பெண் உயிரிழந்துள்ளார்.

கணவன் – மனைவிக்கு இடையில் ஏற்பட்ட முரண்பாடு காரணமாக கணவனால் மேற்கொள்ளப்பட்ட தாக்குதலில் மனைவியான குறித்த பெண் உயிரிழந்துள்ளார். இந்த சம்பவத்துடன் தொடர்புடைய சந்தேக நபரான கணவன் பொலிஸாரால் கைதுசெய்யப்பட்டுள்ளார்.

மொனராகலை, தம்பகல்ல கொல்லதெனிய பிரதேசத்தில் 35 வயதுடைய தந்தையொருவர் குடும்பத தகறாற்றில் உயிரிழந்துள்ளார். குறித்த நபர் தனக்கு தானே தீமூட்டிக்கொண்டதாக பொலிஸார் தெரிவித்துள்ளனர்.

இதேவேளை, கோனகங்கார, 17 ஆம் மைல்கல் பகுதியில் இடம்பெற்ற துப்பாக்கி சூட்டில் ஒருவர் காயமடைந்த நிலையில் வைத்தியசாலையில் சிகிச்சைப்பெற்று வருகின்றார்.

மகியங்கனை – பதியத்தலாவ வீதியில் மோட்டார் சைக்கிளொன்று விபத்துக்குள்ளானதில் ஒரே குடும்பத்தை சேர்ந்த இருவர் படுகாயமடைந்துள்ளனர். குறித்த இருவரும் பதுளை வைத்தியாலையில் அனுமதிக்கப்பட்டுள்ளதுடன், அவர்களது நிலை கவலைக்கிடமாக உள்ளதாக வைத்தியசாலை தகவல்கள் தெரிவித்துள்ளன.

மூவர் பயணித்த குறித்த மோட்டார் சைக்கிள் வீதியில் நிறுத்தப்பட்டிருந்தபோது, மதுபோதையில் மோட்டார் சைக்கிள் செலுத்திய மற்றுமொரு நபர், குறித்த மோட்டார் சைக்கிளில் மோதி விபத்தை ஏற்பட்டுத்தியுள்ளார். இதனையடுத்து, குறித்த சந்தேக நபர் பொலிஸாரால் கைதுசெய்யபட்டுள்ளார்.

இந்த நிலையில், கேகாலை – அவிசாவளை வீதியில் கஹட்டகஸ்திகிலிய பிரதேசத்தில் வீதியோரத்தில் நின்ற நபர் மீது முச்சக்கரவண்டி மோதியதில் குறித்த நபர் சம்பவ இடத்திலேயே உயிரிழந்துள்ளார். தேவாலகந்த பிரதேசத்தை சேர்ந்த 56 வயதுடைய நபரே இந்த விபத்தில் உயிரிழந்துள்ளார்.

இது இவ்வாறு இருக்க, பண்டாரகம – கெஸ்பேவ வீதியில் பாதையை கடந்த பெண் மீது மோட்டார் சைக்கிள் மோதி விபத்து ஏற்பட்டுள்ளது. இந்த விபத்தில் படுகாயமடைந்த பெண், வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்துள்ளனர்.

Colombo Tamil News App உடனுக்குடன் உலக நிகழ்வுகளை உங்களது Colomboதமிழ் ஆப்பில் நொடியில் பார்க்கலாம்.

முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!