இந்தியாவின் பலம் எங்களுக்கு தெரியும்... ஹாட்ரிக் வெற்றியை உடைப்போம்: ஆஸ்திரேலியா சவால்

ஆஸ்திரேலியாவுக்கு எதிராக இந்தியா விளையாடும் 2024-25 பார்டர்-கவாஸ்கர் கோப்பை டெஸ்ட் தொடரானது, நவம்பர் மாதத்தில் ஆஸ்திரேலிய மண்ணில் துவங்கவுள்ளது. இந்த தொடரில் இந்தியாவை வீழ்த்தி, கடந்த இரண்டு தொடர்களின் தோல்வியை களைவதே ஆஸ்திரேலியாவின் முக்கிய இலக்காக அமைந்துள்ளது. இதற்காக ஆஸ்திரேலியா இப்போதே தீவிரமாக தயாராகி வருகிறது.

ஆஸ்திரேலியா தனது சொந்த மண்ணில் மிக வலுவான அணியாக இருப்பதாக கருதப்படுகின்றது. ஆனால், 21 ஆம் நூற்றாண்டில் ஆஸ்திரேலிய மண்ணில் நடைபெற்ற கடைசி இரண்டு தொடர்களில் இந்தியா அபாரமாக ஆடி வெற்றி பெற்றது. இதனால், அடுத்தடுத்த இரண்டு தொடர்களை ஆஸ்திரேலிய மண்ணில் வென்ற முதல் அணியாக இந்தியா வரலாற்றில் இடம்பிடித்தது. இம்முறை ஹாட்ரிக் வெற்றியை பெறுமா என்ற எதிர்பார்ப்பு ரசிகர்களிடம் அதிகமாக உள்ளது.

சுக்குநூறாக உடைந்த ருதுராஜ் கனவு: தமிழக வீரர் சாய் சுதர்சனுக்கும் அதே கதி

இந்தியா தனது வேகப்பந்து வீச்சில் சமீப காலங்களில் மிகப்பெரிய முன்னேற்றம் கண்டுள்ளது. அதனால், அவர்களை ஆஸ்திரேலிய மண்ணில் தோற்கடிப்பது மிகவும் சிரமமாக இருக்கும் என்று ஆஸ்திரேலிய வீரர் மார்னஸ் லபுஸ்ஷேன் கருத்து தெரிவித்துள்ளார்.

அவர் மேலும் கூறியதாவது, "இந்தியாவின் வேகப்பந்து வீச்சு மிக நன்றாக உள்ளது. அதனால் அவர்களை ஆஸ்திரேலியாவில் வீழ்த்துவது கடினமாக இருக்கும். இருப்பினும், இம்முறை நாங்கள் அவர்கள் எதிராக நிச்சயமாக வெற்றி பெறுவோம் என்று நம்பிக்கை கொண்டிருக்கிறோம்."

முன்னாள் ஆஸ்திரேலிய கிரிக்கெட் வீரர்கள் ரிக்கி பாண்டிங் மற்றும் ஆடம் கில்கிறிஸ்ட் உள்ளிட்டோர், இந்த தொடரில் இந்திய அணியை வீழ்த்தி ஆஸ்திரேலியா பழிச் சீண்டும் என்று சமீபத்தில் தெரிவித்திருந்தனர். இந்த கருத்துகளுக்கு இணையாக, லபுஸ்ஷேனும் தனது நம்பிக்கையை வெளிப்படுத்தியுள்ளார்.

இந்த முறை இந்தியா-ஆஸ்திரேலியா போட்டிகள் 5 டெஸ்ட் ஆட்டங்களைக் கொண்ட தொடராக இருக்கும், இது ரசிகர்களுக்கு மேலும் பெரிய எதிர்பார்ப்புகளை ஏற்படுத்தியுள்ளது.

Colomboதமிழ் இணையதளத்தை இங்கே கிளிக் செய்து Follow செய்யுங்கள்...

Colomboதமிழ் Youtube சேனலை இங்கே கிளிக் செய்து Subscribe செய்யுங்கள்...