பும்ராவுக்கு கேப்டன் பதவி இல்லை... புது கேப்டனை தேர்வு செய்த பிசிசிஐ.. இதுதான் காரணம்!
இந்திய அணியின் அடுத்த டெஸ்ட் கேப்டன் யார் என்பது குறித்து, பிசிசிஐ நிர்வாகிகள் ஆலோசனை நடத்திய நிலையில், பும்ராவின் காயம் குறித்து கலந்துரையாடப்பட்டுள்ளது.
Editorial Staff 
இந்திய டெஸ்ட் அணி கடைசி 8 டெஸ்ட் போட்டிகளில், ஒரேயொரு வெற்றியை பெற்று அண்மைகாலமாக படுமோசமாக சொதப்பி வருகிறது.
இந்திய அணி சொதப்ப ரோஹித் சர்மா மற்றும் விராட் கோலி ஆகியோர் தான் முக்கிய காரணம் என்று பார்க்கப்படுகின்றது. இதில், ரோஹித் சர்மா இந்திய அணிக் கேப்டனாக இருக்கிறார்.
இவர் சொதப்புவதால், கேப்டன்ஸியிலும் கவனம் செலுத்த முடியவில்லை. இதனால், இந்திய டெஸ்ட் அணிக்கு புதுக் கேப்டனை நியமிக்க வேண்டிய கட்டாயத்தில் பிசிசிஐ உள்ளது.
இந்நிலையில், இந்திய அணியின் அடுத்த டெஸ்ட் கேப்டன் யார் என்பது குறித்து, பிசிசிஐ நிர்வாகிகள் ஆலோசனை நடத்திய நிலையில், பும்ராவின் காயம் குறித்து கலந்துரையாடப்பட்டுள்ளது.
பும்ராவுக்கு அவ்வபோது ஓய்வுகொடுத்து விளையாடினால், சிறப்பாக விளையாடுகிறார். அதிக பணிச்சுமை கொடுக்கும்போதுதான் பும்ராவுக்கு காயம் ஏற்படுகிறது என்றும், பும்ராவுக்கு கேப்டன் பதவியை கொடுத்தால், அவர் தொடர்ச்சியாக விளையாடி, மீண்டும் காயம் காரணமாக அவதிப்பட வாய்ப்பு இருக்கிறது எனக் கூறி பும்ரா கழற்றிவிடப்பட்டுள்ளார்.
இதனையடுத்து, இந்திய டெஸ்ட் அணிக்கு கேப்டனாக நியமிக்க யாஷஸ்வி ஜெய்ஷ்வால், ரிஷப் பந்த் ஆகியோரது பெயர்களை பிசிசிஐ நிர்வாகிள் சிலர் பரிந்துரைத்த நிலையில், ரிஷப் பந்திற்கு டெஸ்ட் கேப்டன் பதவியை கொடுக்க வேண்டும் என பெரும்பாலான பிசிசிஐ நிர்வாகிகள் தெரிவித்திருப்பதாக தகவல் வெளியாகி உள்ளது.
இந்தியாவில் நடைபெறும் டெஸ்ட்களில் மட்டும் தான் யாஷஸ்வி ஜெய்ஷ்வால் அபாரமாக செயல்படுகிறார் என்றும் வெளிநாட்டு மண்களில் ஜெய்ஷ்வாலின் ஆட்டம் திருப்திகரமாக இல்லை என்றும் பிசிசிஐ முடிவுக்கு வந்துள்ளதாக தெரிவிக்கப்பட்டுள்ளது.
இதனால், வரும் ஜூன் இறுதியில் துவங்கவுள்ள இங்கிலாந்துக்கு எதிரான 5 போட்டிகள் கொண்ட டெஸ்ட் தொடருக்கு, ரிஷப் பந்த் கேப்டனாக செயல்பட அதிக வாய்ப்பு உள்ளது.
மேலும், சீனியர்கள் ரோஹித் சர்மா, விராட் கோலி ஆகியோரை நீக்கிவிட்டு, மாற்றாக கே.எல்.ராகுல், சர்பரஸ் கானை விளையாட வைக்கவும் முடிவு எடுக்கப்பட்டிருப்பதாக கூறப்படுகிறது.
