டி20 வரலாற்றில் சாதனை.. தோனியின் சாதனையை தகர்த்த ரோஹித் சர்மா!

இந்திய டி20 போட்டிகளில் அதிக வெற்றிகளை பெற்று கொடுத்த கேப்டனாக 72 போட்டிகளில் 42 வெற்றிகளை பெற்று தோனி படைத்த சாதனையை ரோஹித் சர்மா நெருங்கி வந்தார். 

2022 டி20 உலகக் கோப்பைக்கு பின் ரோஹித் சர்மா சர்வதேச டி20 போட்டிகளில் பங்கேற்கவில்லை. அதனால், இனி தோனியின் கேப்டன்சி சாதனையை வேறு எந்த கேப்டனாலும் அடுத்த சில ஆண்டுகளுக்கு தொடக் கூட முடியாது என கருதப்பட்டது.

இந்த நிலையில், 2024 டி20 உலகக் கோப்பைக்கு முன் இந்திய டி20 அணியில் மீண்டும் கேப்டனாக இடம் பெற்றார். ஆப்கானிஸ்தான் தொடரின் மூன்று போட்டிகளிலும் இந்தியா வெற்றி பெற்றது. அப்போது தோனியின் 42 வெற்றிகள் என்ற சாதனையை சமன் செய்திருந்தார் ரோஹித் சர்மா.

தற்போது டி20 உலகக் கோப்பை தொடரின் முதல் போட்டியில் அயர்லாந்து அணியை இந்திய அணி 8 விக்கெட் வித்தியாசத்தில் வீழ்த்தியது.  இது கேப்டனாக ரோஹித் சர்மாவின் 43வது வெற்றி ஆகும்.

இந்தியா அரையிறுதிக்கு நேரடியாக தகுதி? 4 வீரர்களை சேர்க்க காரணம் இதுதான்!

இதன் மூலம் தோனியின் டி20 கேப்டன்சி சாதனையை முடிவுக்கு கொண்டு வந்திருக்கிறார் ரோஹித் சர்மா இந்திய அளவில் அதிக வெற்றிகளை பெற்றுத் தந்த கேப்டன் என்ற பெருமையும் ரோஹித் சர்மா பெற்றுள்ளார்.

தோனி 72 போட்டிகளில் 42 வெற்றிகள் பெற்ற நிலையில் ரோஹித் சர்மா 55 போட்டிகளிலேயே 43 வெற்றிகளை பெற்று சர்வதேச அளவில் அதிக டி20 வெற்றிகளை பெற்றுக் கொடுத்த கேப்டன்கள் வரிசையில் ரோஹித் சர்மா நான்காவது இடத்தில் இருக்கிறார். 

இந்த பட்டியலில் பாகிஸ்தான் அணியின் பாபர் ஆசாம் முதல் இடத்தில் இருக்கிறார். அவர் 81 போட்டிகளில் 46 வெற்றிகளை பெற்றுக் கொடுத்திருக்கிறார்.