டெஸ்டில் புது விதிமுறை... இனி டிரா இல்லை... வெற்றி, தோல்வி மட்டுமே... ஐசிசி அதிரடி!

டெஸ்ட் கிரிக்கெட்டில் புது விதிமுறையை பயன்படுத்த ஐசிசி முடிவு செய்திருப்பதாக தகவல் வெளியாகி உள்ளது.

உலக டெஸ்ட் சாம்பியன்ஷி காரணமாக டெஸ்ட் கிரிக்கெட் மீண்டும் பிரபலமடைந்து வருவதுடன், ஆஸ்திரேலியாவில் நடைபெற்ற இந்தியாவுக்கு எதிரான டெஸ்ட் தொடரை காண, இலட்சக்கணக்கில் ரசிகர்கள் வந்தது, ஆச்சரியத்தை ஏற்படுத்தியது.

டெஸ்ட் போட்டியில், மொத்தமாக விளையாடப்படும் 4 இன்னிங்ஸ்களில் கடைசி 2 இன்னிங்ஸ்கள்தான் அதிக அளவில் கவனம் பெறுகின்றது.

இந்தநிலையில், முதல் இரண்டு இன்னிங்ஸ்களையும், முக்கியமானதாக மாற்ற, ஐசிசி நடவடிக்கை எடுத்து வருவதாக தகவல் வெளியாகி உள்ளது. 

இந்த புதிய விதிமுறையால், இனி டிரா இருக்க வாய்ப்பில்லை என்பதுடன், சமீப காலமாக டெஸ்ட் போட்டிகளை பொறுத்தவரை, டிரா ஆவது, மிகவும் குறைந்துவிட்டது. 

வெற்றி, தோல்விகள்தான் அதிகமாக உள்ள நிலையில், டிரா என்ற நிலைமை முற்றிலும் நீக்க ஐசிசி முடிவு செய்துள்ளதுடன், ஒரு போட்டி டிரா ஆகும் பட்சத்தில், இரண்டு இன்னிங்ஸ் முடிவில், எந்த அணி முன்னிலை பெற்றதோ, அந்த அணியை வெற்றிபெற்றதாக அறிவிக்க முடிவு செய்யப்பட்டுள்ளதாம்.

முதற்கட்டமாக, மழையால் பாதிக்கப்படும் ஆட்டத்திற்கு மட்டும், இதனை சோதனை முறையில் அமல்படுத்த வாய்ப்பு உள்ளதுடன், ஒரு அணிக்கு வெற்றி வாய்ப்பு இருக்கும்போது, கடைசி நாளில் திடீரென்று மழை பெய்து, அடுத்து ஆட்டம் நடைபெறாமல் ஆட்டம் டிரா ஆகிறது. 

இதனை தடுக்க, புது விதிமுறையை கடைபிடிக்க உள்ளதாக கூறப்படுவதுடன், உலக டெஸ்ட் சாம்பியன்ஷிப் 2025-2027 தொடரில் இருந்தே இதனை நடைமுறைப்படுத்த முடிவு செய்துள்ளதாகவும் தகவல் வெளியாகி இருக்கின்றது.

இதுகுறித்து,  ஐசிசி தலைவர்ஜெய் ஷா, அனைத்து நாட்டு கிரிக்கெட் வாரியங்களுடன் ஆலோசித்து, பெரும்பான்மை ஆதரவு கிடைத்தால், இதனை நடைமுறைப்படுத்துவார் என எதிர்பார்க்கப்படுகின்றது.

இந்திய அணியானது உலக டெஸ்ட் சாம்பியன்ஷிப் 2025-2027 தொடரில்,  முதலில் இங்கிலாந்துக்கு எதிராக விளையாட உள்ளது. இங்கிலாந்து செல்லும் இந்திய அணி, இங்கு 5 போட்டிகள் கொண்ட டெஸ்ட் தொடரில் விளையாடவுள்ளது.