உண்மையான சாம்பியன் அணி என்பதை நிரூபித்த இந்தியா! ஆஸ்திரேலியாவையும் மிஞ்சிய சாதனை!

கிரிக்கெட் உலகில் ஆஸ்திரேலியா என்றால் ஒரு பிரம்மாண்டமான பெயர். உலகின் சிறந்த அணி என்று பலராலும் பாராட்டப்படும் அவர்களையும் மிஞ்சிய சாதனையை இந்திய அணி படைத்துள்ளது. 

கடந்த மூன்று ஐசிசி தொடர்களில் இந்திய அணி காட்டிய ஆதிக்கம், கிரிக்கெட் வரலாற்றிலேயே ஒரு புதிய அத்தியாயத்தை எழுதியுள்ளது. 23 வெற்றிகள், ஒரே ஒரு தோல்வி என்பது எந்த அணியாலும் இதுவரை செய்ய முடியாத ஒரு சாதனை. இந்தியா தான் உண்மையான சாம்பியன் அணி என்பதை இந்த நிகழ்வுகள் உறுதிப்படுத்துகின்றன.

2025 சாம்பியன்ஸ் டிராபி தொடரில் இந்திய அணி தனது முழு பலத்தையும் காட்டியது. குரூப் சுற்றில் மூன்று போட்டிகளிலும், அரையிறுதி மற்றும் இறுதிப் போட்டியில் நியூசிலாந்தை எதிர்கொண்டு நான்கு விக்கெட் வித்தியாசத்தில் வெற்றி பெற்றது. இந்த தொடரில் இந்தியா ஐந்து போட்டிகளில் விளையாடி, அனைத்திலும் வெற்றி பெற்று சாம்பியன்ஸ் டிராபி கோப்பையை தனது பெயருக்கு எழுதிக்கொண்டது.

2024 டி20 உலகக் கோப்பையில் இந்திய அணி எட்டு போட்டிகளில் விளையாடி, எட்டிலும் வெற்றி பெற்று பரிபூரண சாதனை படைத்தது. குரூப் சுற்றில் மூன்று போட்டிகளிலும், சூப்பர் 8 சுற்றில் மூன்று போட்டிகளிலும், அரையிறுதி மற்றும் இறுதிப் போட்டிகளிலும் இந்தியா தன் ஆதிக்கத்தை நிலைநாட்டியது. இந்த வெற்றிகள் இந்திய அணியின் திறமை மற்றும் பலத்தை உலகுக்கு எடுத்துக்காட்டின.

2023 ஒருநாள் உலகக் கோப்பையில் இந்திய அணி முதல் சுற்றில் ஒன்பது போட்டிகளில் தொடர்ந்து வெற்றி பெற்று, அரையிறுதியிலும் வெற்றி கண்டது. ஆனால், இறுதிப் போட்டியில் ஆஸ்திரேலியாவிடம் தோல்வியடைந்தது. இருப்பினும், இந்த தொடரில் இந்தியா காட்டிய திறமை அனைவரையும் வியப்பில் ஆழ்த்தியது.

கடந்த மூன்று ஐசிசி தொடர்களில் இந்திய அணி மொத்தம் 24 போட்டிகளில் விளையாடியுள்ளது. இதில் 2023 ஒருநாள் உலகக் கோப்பை இறுதிப் போட்டியைத் தவிர்த்து, மற்ற 23 போட்டிகளிலும் வெற்றி பெற்றுள்ளது. இது கிரிக்கெட் வரலாற்றில் எந்த அணியாலும் செய்ய முடியாத ஒரு சாதனை. ஆஸ்திரேலியா கூட இதுவரை இத்தகைய ஆதிக்கத்தை கிரிக்கெட் உலகில் காட்ட முடியவில்லை.

ஒன்பது மாத இடைவெளியில் 2024 டி20 உலகக் கோப்பை மற்றும் 2025 சாம்பியன்ஸ் டிராபியை வென்ற இந்திய அணி, இப்போது 2026 டி20 உலகக் கோப்பைக்கு தயாராகி வருகிறது. இந்திய அணியின் தற்போதைய பலம், ஒற்றுமை மற்றும் தலைமையின் கீழ், அடுத்த தொடரையும் வெல்வது உறுதி.

Follow on GNews Subscribe on YT

Join us on Telegram Join us on Channel