தோனிக்கு மாற்றாக உள்ள 3 விக்கெட் கீப்பர்கள்: உள்ளூர் வீரருக்கு அடித்த ஜாக்பாட்!

சென்னை சூப்பர் கிங்ஸ் (CSK) அணியின் முன்னாள் கேப்டன் மகேந்திரசிங் தோனி, தற்போது 43 வயதாகிறார். நேற்று, சென்னை வந்தடைந்த தோனி, ‘கடைசியாக ஒரு முறை’ என்ற வாசகத்தை அணிந்த டி-சர்ட்டை அணிந்து வந்தார். இதனால், ஐபிஎல் 2025 (IPL 2025) சீசன் மகேந்திரசிங் தோனியின் கடைசி சீசனாக இருக்கும் என ரசிகர்கள் கணிக்கின்றனர்.

தோனி, 18ஆவது ஐபிஎல் சீசனின் நடுப்பகுதியில் சென்னையில் நடைபெறும் போட்டியில் விளையாடிவிட்டு ஓய்வு பெற்றால், உடனே அவருக்கு மாற்றாக புதிய விக்கெட் கீப்பரை ஆட வைக்க வேண்டும். சென்னை சூப்பர் கிங்ஸ் அணியில், தோனிக்கு மாற்றாக மூன்று விக்கெட் கீப்பர்கள் உள்ளனர். அவர்கள் பற்றி இங்கு விரிவாகப் பார்க்கலாம்.

1. டிவோன் கான்வே

நியூசிலாந்து அணிக்காக விக்கெட் கீப்பராக செயல்பட்ட அனுபவம் டிவோன் கான்வேவுக்கு உள்ளது. இவர் டெக்ஸாஸ் சூப்பர் கிங்ஸ் அணிக்காகவும் விக்கெட் கீப்பராக செயல்பட்டுள்ளார். அவரின் அனுபவமும் திறனும் CSK அணிக்கு பெரும் பலமாக அமையும்.

2. ருதுராஜ் கெய்க்வாட்

மகாராஷ்டிரா பிரிமியர் லீக் தொடரில் முதல்முறையாக விக்கெட் கீப்பராக செயல்பட்ட ருதுராஜ் கெய்க்வாட், சையத் முஷ்டாக் அலி டி20 தொடரிலும் விக்கெட் கீப்பராக இருந்தார். விக்கெட் கீப்பராக இருப்பதால், பௌலிங் பிட்ச் எப்படி ஒத்துழைக்கும் என்பது குறித்து தெளிவாக தெரியும். மேலும், பீல்டிங்கையும் சிறப்பாக செட் செய்ய முடியும். இதனால், தோனி ஓய்வுபெற்ற பிறகு ருதுராஜுக்கு அருமையான வாய்ப்பு கிடைக்கும் என எதிர்பார்க்கப்படுகிறது.

3. வான்ஸ் பேடி

டெல்லி பிரிமியர் லீக் தொடரில் பினிஷராகவும், விக்கெட் கீப்பராகவும் செயல்பட்ட உள்ளூர் வீரர் வான்ஸ் பேடியை, சென்னை சூப்பர் கிங்ஸ் அணி வாங்கியது. இவர், 8 இன்னிங்ஸ்களில் 185.71 ஸ்ட்ரைக் ரேட் மற்றும் 44.20 சராசரியில் 221 ரன்களை குவித்துள்ளார். இவருக்கும் CSK அணியில் ஒரு வாய்ப்பு உள்ளது.

மகேந்திரசிங் தோனி ஓய்வு பெற்ற பிறகு, சென்னை சூப்பர் கிங்ஸ் அணியில் விக்கெட் கீப்பராக டிவோன் கான்வே, ருதுராஜ் கெய்க்வாட் மற்றும் வான்ஸ் பேடி ஆகியோர் முக்கிய பங்கு வகிக்கும் வாய்ப்புள்ளது. இந்த மூன்று வீரர்களும் தங்கள் திறனை நிரூபித்துள்ளனர், மேலும் CSK அணியின் எதிர்காலத்திற்கு அவர்கள் முக்கியமானவர்களாக இருப்பார்கள்.