Punjab, One prisoner killed, five injured, Ludhiana Central Jail, violence, பஞ்சாப் சிறை, வன்முறை, கைதிகள் மோதல்

பஞ்சாப் மாநிலம் லூதியானா மத்திய சிறையில் கைதிகளுக்கிடையில் இடம்பெற்ற மோதலில் ஒருவர் பலியானார், 35 பேர் காயமடைந்தனர்.

போதை பொருள் வழக்கில் கைது செய்யப்பட்டு இருந்த சன்னி என்ற கைதி பாட்டியாலா மருத்துவமனையில் அனுமதிக்கப்பட்டு சிகிச்சை பலனின்றி இறந்துள்ளார்.

இந்த தகவல் லூதியானா சிறையில் இருந்த அவரது கோஷ்டியை சேர்ந்த கைதிகளுக்கு தெரியவந்ததால் ஆத்திரம் அடைந்த அவர்கள் பொலிஸா் சன்னியை கொன்றுவிட்டதாக கூறியுள்ளனர்.

அத்துடன், எதிர்கோஷ்டியை சேர்ந்த கைதிகள் மீது கற்களை வீசி தாக்கினார்கள். இருதரப்பும் கல்வீச்சில் ஈடுபட்டது. அப்போது ஒரு சிறை அதிகாரி வன்முறையை கட்டுப்படுத்த துப்பாக்கி சூடு நடத்தியுள்ளார்.

இதனால் வன்முறை மேலும் தீவிரமானதுடன், இதில் ஒரு கைதி இறந்தார். சிறை அதிகாரிகள் உள்பட 35 பேர் காயம் அடைந்துள்ளனர்.

அதிகாரிகளின் வாகனம், சமையலறையின் ஒரு பகுதி ஆகியவற்றுக்கு தீவைக்கப்பட்டதுடன், சிறையில் நடைபெற்ற இந்த வன்முறை குறித்து நீதி விசாரணை நடத்த முதலமைச்சர் அமரிந்தர் சிங் உத்தரவிட்டுள்ளார்.